السلام عليكم ورحمة الله وبركاته
استأذنا النبي ودخلنا انهارده فصل الزوج عشان نتعلم على يد سيدنا عثمان بن عفان
سيدنا عثمان بن عفان اتعلم على ايد النبي صلى الله عليه وآله وسلم وشاف ربنا الرحيم اللي بيدير ملكه بالرحمة، فادار بيته بالرحمة..
ربنا انزل آية في سيدنا عثمان تصفه بأنه يرجوا رحمة ربنا... أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ
يللا يا رجالة بقول لنفسي اولا اننا لازم نتصف بالصفة دي عشان ربنا يرحمنا، وأولى حد بالرحمة هي زوجتك أو اللي هتبقى زوجتك..
الواجب العملي للحلقة الرابعة من مدرسة الحب
أولا: المناجاة وهي جزئين
1- ناجي ربنا بلغتك، بلهجتك، كلمه عشان هو سبحانه وتعالى بيحب يسمع منك.. قول له يا رب انا شوفت رحمتك في كل موقف مريت بيه..
2- هاوعدك يارب اني هاتخلق بخلق الرحمه مع أهل بيتي وهاتخذ سيدنا عثمان قدوة ليّ واتعلم منه..
ثانيا: أنت مين فيهم؟
عايز تعرف انت قد ايه شبه سيدنا عثمان بن عفان في رحمته؟ قم بالاختبار الشخصي: أنت مين فيهم؟
http://loveschoolsurvey.mustafahosny.com/
صلوا على الرؤوف الرحيم
في انتظار رأيكم في الحلقة