الحلقة الخامسة: فصل العادل

موضوع: الحلقة الخامسة: فصل العادل 2010-08-17, 00:22

السلام عليكم ورحمة الله وبركاته

نستأذن النبي صل الله عليه وآله وسلم لندخل الفصل الرابع من فصول مدرسة الحب

شفنا انهارده ازاي سيدنا علي بن أبي طالب اتعلم العدل وشاف صور من تصرفات الله بالعدل في الكون فهو كمان تخلق بهذا الخلق في حياته وكان عادل في كل تصرفاته

فصل العادل- سيدنا علي بن أبي طالب- كن عبد ربانيا عادلاً

المناجاة:

معنى المناجاة انك تكلم ربنا لأنه قريب منك...فضفض له، حس قد ايه انت قريب من ربنا وانت بتكلمه..قول له شكرا يا رب على نعمك، مش عارف اقول لك ايه يا رب..

المناجاة دي عبادة الأنبياء...

الواجب العملي للحلقة الخامسة من برنامج مدرسة الحب

أولا: المناجاة وهي جزئين

1- ناجي ربنا بلغتك، بلهجتك، قول له يا رب انا شوفت عدلك في الكون كله...شفت زي ما سيدنا علي شاف صور لعدلك في الكون كله.. شفت عدلك يوم ما رجعتلي حقي، شفت عدلك في ناس كثير حواليا

2- اوعدك يارب اني هكون عبد رباني عادل، هاتخلق بخلق العدل في حياتي على قد ما اقدر عشان اكون عادل على قدري وأكون قدير بالتخرج من فصل العادل وامشي على خطى سيدنا علي

ثانيا: أنت مين فيهم؟
عايز تعرف انت قد ايه شبه سيدنا علي ابن أيبي طالب في عدله؟ قم بالاختبار الشخصي: أنت مين فيهم؟
http://loveschoolsurvey.mustafahosny.com/

صلوا على سيد العادلين

يا رب تكون الحلقة عجبتكم..في انتظار رأيكم فيها وفي أغنية العادل

أخوكم

مصطفى حسني

قريبا رابط التحميل الحلقة
=======================================

صفة اليوم صفة من الصفات التي قامت عليها الدنيا
لو مش موجودة في بلد ربنا ميوفقش أهل البلد دول ولو كانوا مسلمين
ولو موجودة في بلد ربنا ينصر البلد دي ولو كانت كافرة

العدل

عمرك شفت واحد بقى عنده سُلطة فبقى ظالم يدوس على رقاب الناس؟
عمرك شفت واحد في مناقشة بيكابر وبيظلم عشان ميقلش انه غلطان حتى لو ظلم اللي قدامه؟!!

اللي بيظلم الناس ميعرفش ربنا! ميعرفش ربنا لأن ربنا اقام الدنيا بالعدل!

سيدنا عليّ بن أبي طالب ربنا بيحبه، والنبي بيحبه والجنة بتحبه...سيدنا عليّ كان "عادل".

كان بيتخلق بخلق العدل، شاف ربنا العدل الذي لا يظلم أحدا.

عاش سيدنا علي 13 سنة في مكة كلها ظُلم من الكفار للنبي صلى الله عليه وآله وسلم مع ان سيدنا محمد كان لا يحب للكفار إلا كل خير. يتفق الكفار على ان يقتلوا النبي بضربة رجل واحد لكي يتفرق دمه بين القبائل، ينام سيدنا علي مكانه، ثم عندما يتركه الكفار، لا يجري للمدينة، ولكن يذهب للكفار ليرد لهم الأمانات ثم يقول كلمة في منتهى العدل...يقول برأت ذمة رسول الله!

يكبر سيدنا عليّ، ويعينه النبي حكما في أهل اليمن، ويدعوا له: اللهم ثبت لسانه واهدِ قلبه. والنبي يزرع عنده مفهوم انه اذا ذهب ليحكم بين الناس بالعدل سيثبّته الله لأنه ينصر الله...الله العدل.

لما تكون عايش بالعدل وبترجع الحقوق للناس- ولو على حساب نفسك- اعرف ان ربنا هينصرك وانك خليفته بجد لأن ربنا بينصر اللي بينصره وربنا عدل فبينصر اللي بيقيم العدل في الأرض.

تصور ان في موقف كان سيدنا علي خصم لشخص ما امام سيدنا عمر، فسيدنا عمر نادى سيدنا علي بـ "ابو الحسن" وقال له اترضى كلام "خصمك"؟ فغضب سيدنا علي وقال لسيدنا عمر إن كنت ستناديني بأبي الحسن فنادي الرجل بكنيته أو ناديني بأني خصمه مثلنا ناديته بأنه خصمي. لا تفضلني ولا حتى بالكُنية. هذا هو العدل الرباني! لهذه الدرجة عادل يا سيدنا عليّ؟!!

الهم اجعلنا عباد ربانيين عادلين

اللهم صل على سيد العادلين

م ـرحبآ

تسسلم ديآأإتك غ ـلأآتي

يع ـطيكِ الع ـآفيه

لا خ ـلأآ ولا عدم

merci