فصل المتفانية
في مدرسة الحب بنتكلم عن ازاي نتعلم من ربنا صفاته فلما نتخلّق بأخلاق الله نعامل الخلق بها.. بس عشان نتخلق بصفات ربنا لازم نعرفه
كل يوم بنعرف صفة جديدة عن ربنا، ونعرف ازاي بيتعامل بيها سبحانه وتعالى
معانا عن طريق شخصية ندخل الفصل اللي هي اتربت فيها على ايد النبي وشافت
صفة من صفات الله، عشان نتعلم منها ونكون عباد ربانيين..
امرأة عاشت تكرم الناس حتى لو مفيش مقابل ...أم سُليم
أم سُليم حست ان هي مديونة لله في كل طاعة ربنا وفقها ليها، هو اللي بيوفقها للطاعة وهو بيديها حسنات ويجازيها عليها برضاه والجنة.
شافت ربنا الشكور..اللي بيوفقك للطاعة ويجازيك عليها برضاه والجنة لنعيش فيها ونخلد فيها...
يا رب يكون في قلبي صدق وكلامي يكون وصل لقلوبكم.. في انتظار رأيكم في الحلقة
الواجب العملي لحلقة الليلة من برنامج مدرسة الحب
أولا: المناجاة وهي جزئين
1- ناجي ربنا بلغتك، بلهجتك، قول له يا رب انا بحبك وماليش غيرك، وانا مديون لك يا رب بكل طاعو انت بتوفقني ليها وبتتقبلها مني...
2- اوعدك يارب اني هكون عبد رباني متفاني، هعمل الأعمال لا أطلب عليها جزاء
وهعامل الناس بخلق الله الشكور والي يعمل لي خدمة هديه جزاء على قد ما
اقدر...
ثانيا: أنت مين فيهم؟
عايز تعرف انت قد ايه شبه سيدنا عبد الله بن العباس؟ قم بالاختبار الشخصي: أنت مين فيهم؟
http://loveschoolsurvey.mustafahosny.com/