احبتي الكرام اطرح امامكم قصيدة بعنوان رصاصة الرحمة
قصيدة غرست في داكرتي مند اربع سنوات ولزلت اذكرها الى اليوم اربطها بدكريات واصدقاء
اكن لهم كل الاحترام وادعو لهم بلخير والنجاح كل يوم
|
اذا لك شف في شوفي .. ترانـي على شوفتك .. صحيـت الأمانـي |
زرعت الشـوق كلـه بأنتظـارك و أخذت الأنتظار .. و جيت عانـي |
نسيت الناس لكن .. مـا نسيتـك عجزت أنساك حتـى لـو ثوانـي |
مليتي الكون .. و أشغلتي الجوارح نظر عيني .. سماع أذني .. لساني |
عطيتك شيء ما هو عند غيـرك و لا قصـرت .. لكنـك أنـانـي |
انـا أحبـك .. و اذا ودك تـأكـدي شـف الله كيـف بيدينـك هدانـي |
غيابك صعب و الأصعب وجـودك و انا فالحالتين أتعـب و أعانـي |
حبيبـي لا تواخذنـي .. و لكـن أبيك تحـط نفسـك فـي مكانـي |
اذا جيتـك و انـا مشتـاق تكفـي تجاهلنـي و كنّـك مـا تـرانـي |
و اذا صديت عنك و قلـت أرحـل وقف قلبك على البـاب و دعانـي |
و لو عملت نفسـي مـا اشوفـك يميل القلـب صوبـك و يحدانـي |
أنا يا ابنت الحلال أصعـب حكايـه كتبني الوقت .. لكن مـا قرانـي |
مضى عمـري و تقـدر تعتبرنـي غريب .. و في زمن ماهو زماني |
زماني راح مع نصفي .. و نصفي نسى نفسه مع الوقـت و نسانـي |
أسافر حزن .. و الصحبـه ثلاثـه أنا .. و الصبر ..و حبيبي الغالي |
و اذا مريت فـي بـلاد الطفولـه فتحت الصدر للحـزن و طوانـي |
هنا .. دمعه جرت من عين جاهل هنا .. لاقيـت همـي و التقانـي |
هنا .. باعتنـي العشيرة و أهلهـا هنا .. ضحيت لفـلانة و جفانـي |
هنا .. حاولت أصيح و ما سمعني سوى بعض الشوارع و المبانـي |
انا يـا سيـدتي .. دقـه قديمـه حبيت أخذ من الوقت .. و أخذنـي |
على الأنقاض واقـف دون حيلـه أشوفك وجهتـي بيـن الموانـي |
تعاالي .. و طـفّي بيدينـك حنينـي تملكيني .. و أنا أشعل لك حنانـي |
تعالي .. و ضميني يـا تـاج قلبـي دخيلـك لا تخلينـي .. من شـانـي |
انا شاعـر عيونـك يـا حبيبتـي مع التحريف في بعـض المعانـي |
و مـا نيـل المطالـب بالتمنـي و لكـن شوفتـك كـل الأمانـي |
محبة صـادق النيـه .. قصايـد و محبة ساقـط النيـه .. أغانـي |
قسـم بالله لـو موتـي بـيـدك و أموت الفين مره .. مـا كفانـي |
و أذا باقي من الطلقات .. طلقـه وحياتك .. حطهيـا بيـن المحانـي |
موضوع: رصــــــــــــــــا صة الرحـــــــــــــــــمة 
