الحمار و القاضي ... قصة مضحكة هههههههه
قالك مرة واحد كي كان راقد نام بلي الحمار تاعو
قالو : روح لواحد الشجرة احفر ثما تلقى 20 مليون ... و كي تولي للدار تلقاني ميت ... ادفني فالمقبرة تاع العباد و كي تكمل تدفني مد 5 ملاين للقاضي
كي ناض هذاك السيد مالرقاد راح ديراكت لهاذيك الشجرة لي قالو عليها حمارو حفر ثما لقى 20 مليون ... و كي ولى للدار لقى الحمار ميت!!!
مبعدة السيد كي شاف بلي خرجت صح حاب يكمل وصية الحمار و يدفنو فالمقبرة تاع العباد
رفدو و داه للمقبرة و كي جا يدفنو شافوه الناس و قالولو كيفاه تدفن حمارك فالمقبرة تاع العباد و هاذي اهانة للانسان و ضك نشكو بيك للقاضي
كي شكاو بيه ... جا القاضي قالو كيفاه دير حاجة كيما هاذي و ضك نعاقبك و تخلصها غالية و مانتسامحش معاك
مبعدة السيد هذاك قالو : راني نمت حماري قالي روح لواحد الشجرة احفر تلقى 20 مليون و كي تولي للدار تلقاني ميت ادفني فالمقبرة تاع العباد و كي جي مولي مد 5 ملاين للقاضي
مبعدة قالو القاضي : اه واش قال المرحوم؟
هههههههههههههههههههههه