نتائج المغازل حسب نظرية فيثاغورس
المشهد الأول
الولد الحزين ويدلعونه حزحووز
البنت الفطمي ويدلعونها أيضا الفطمي .. واذا راحوا لخوالهم بجده يسمونها فتو
يدق جوال الفطمي وتنقز تشوف الرقم .. مكتوب ماي لووف كالينق يو .. وتتشقق من فرط الوناسة .. وتروح تشرب مويه .. عشان تضبط صوتها .. وربع ساعة تتنحنح لين بغى يطلع مصيرها الثالثطعش .. ((يشبه الإثنى عشر)) .. عقب ماخلصت من سمكرة الصوت .. الا الجوال خلص من الدق.. وتضطر تروح تدق ..
الفطمي: الوووووووووووووووه
الحزين : اهلين .. يا أحلى الووه (كان مواعدها بشارع الحوامل وماجاب خبرها ودقت عليه)
الفطمي: حياتي وينك .. بسم الله عليك .. وراك ماجيت
الحزين : الا جيت .. انا اللي معه فياقرا
الفطمي: ماشفت فياقرات
الحزين : ايه موزيها بعيد .. أخاف عليها (جاي بكرسيدا حقت واحد من العيال بعد)
جا الحزين .. وشاف الفطمي .. وطلعت بنت حلوة .. وطاحت بذا الخربطه .. مع واحد الضمير عنده مستتر مرفوع بالنصبه الظاهره
مما سبق نستنتج أن:
ملكع + دلخه = ضياع مستقبل الدلخه
المشهد الثاني
الولد اسمه وصيت قلبي ويدلعونه صوص
البنت اسمها ساره ويدلعونها سوسو
كان صوص .. ولد ناس ومطخطخ .. يتمتع بغباء قاتل .. حبيب ووسيم .. على نياته .. باختصار دلخ ووسيم .. ومعه فلوس
ساره .. بنت ذهينه .. لعابه .. تحب الإستعراض
كان صوص يتمشي هو وامه بالسوق ومر من عند ساره وصديقاتها .. قالت ساره: تتحدوني اليوم اخلي هالحلو يكلمني واسحبه على وجهه بعد؟؟ ..
(ماشاء الله بس قولو)
وفعلا السيد الصوص ماهي الا سبع ثواني الا هو رايح وطي .. بعد ما مارست عليه ساره اسلوب التخقيق وهو له علاقة طردية .. حسب مبدأ سقراط
(بدا النصب) .. وبعد ما انتهى فاصل الترزز ..
جت اول مكالمه
ساره : اهلين .. ياحلو .. كيفك عيوني انته (انته ذي خلت السملنه .. يصير كنه قرانديزر يوم يتصفق من فيقا فيقا)<< منهو ذا
صوص : هاه .. ايه تمام .. اهم شي اني اسمع صوتك .. واقلبيه منيب مصدق اني اكلمك
(كان قاعد جنب المكيف .. ومجهز ورقه فيها كلامٍ كثير .. والهوا طير الورقه وتوهق)
ساره: ليه ياقلبي وحبيبي (يوم قالت حبيبي بدا يكبر خشمه واصيب بانقطاع الرباط الصليبي بكوعه)
صوص : احبك .. يا احلى شي
ساره: (وهي تنتظر الحزين يدق على الهاتف الثابت) هاهاهاااااااي .. يعني لو أطلب منك أي شي تسويه؟؟
صوص: لو تبين اعطيك ابوي .. عادي
ساره: لا ابيك تسدد فاتورة جوالي .. وبس
وهنا دق الحزين .. على خويته ساره .. والصوص .. من الصباحية وهو طاق اللطمه وصاف طابور بالبنك .. يبي يسدد الفاتورة .. وانواع السعابيل من كثر التفكير بساره
مما سبق نستنتج أن:
دلخ + نصابه = حالة تطفير تصيب الدلخ
المشهد الثالث
الولد اسمه عزوووز<<< ياشين ذا الاسم
خخخخخخخخخخخخخخخخخخخخخخخخ
والبنت اسمها مها
تعرفوا على بعض بالنت .. ويدق عليها من التلفون الثابت
عزوووز : مساء الخير .. يا أحلى طير .. واغلى مها شفتها .. وحبي الأول والأخير..
مها : هاهاااااااااي منتب عاهااااااي! انا كنت امشي مادريت الا نواف التمياط جنبي .. يبيني آخذ رقمه .. رفضت بالأول بس خفت انه يتأثر نفسيا ولا يلعب زين بمباراة الكاس (مصطفى ادريس سبق وشرى ببسي من البقالة اللي بحارتهم)
عزووووز : يالله عيوني .. أنا بروح الحين عندي موعد الوليد بن طلال يبي سلف (مافيه راعي بقالة الا ويطلبه خمسميه)
مها : وأنا بعد بروح اشوف الخدم والطباخ وش مسوين عشا (أم جيرانهم زارتهم احد المرات ومعها شغالتها واعتبر ذاك اليوم من الأيام التاريخيه)
مما سبق نستنتج أن:
نصاب + نصابه = صواريخ ليس لها نظير
وارانب من كل اتجاه
المشهد الرابع
الولد اسمه خيوط المستحيل ويدلعونه فؤاد
والبنت اسمها مبروكه ويدلعونها اريج
خيوط .. صاحب الإبتسامة التي لاتمت للجمال بصلة .. ينتظر اتصال صديقته مبروكه .. وهم متواعدين انها تدق على الجوال .. فهو من الذهانه .. كان حاط الجوال على الصامت
والآنسة مبروكه قاعد ترسله مسجات بالجوال تبي تقوله ادق وأسكر والا ادق وترد علي؟
وفي خضم هذه الحالة من الأستدلاخ الجماعي بين الأثنين .. أخيرا قدروا يكلمون بعض .. وفي ذلك اليوم واحد من اللي يشتغلون بالأتصالات اغمي عليه من كثر ما اتصل عليه خيوط ..
المهم خلال المكالمه الاولى اتفقوا على انهم يشوفون بعض .. واخيرا شافت مبروكه خيوط .. وحصل اللقاء العاطفي المفعم بكل ماتحمله كلمات الإشتياق من معنى
وكان جمس الهيئه قاعد يناظرهم .. متكي على الكبوت .. يمتع ناظريه بهالمشهد .. وانتهى خيوط وخشته لاصقه بقزازة الجمس من ورا .. ومبروكه بغرفة الهيئه الفرع النسائي..
مما سبق نستنتج أن:
دلخ + دلخه = جمس الهيئه
يعنى الزبده خلكم من هالحركات عشان ماتكون من هذي النتائج
موضوع: نتائج المغازل حسب نظرية فيثاغورس 
